Wenn’s Früehlig wird…

Wenn’s Früehlig wird…

18. Februar 2020 0 Von nicole ziegler

Aber zersch no de gewohnte Lenggewilerobed – mit äre Stippvisite und Uftritt im Loch, bis es de gheisse hed: Clownball Lenggewil. Us ursprünglich 01.00 Uhr Uftrittszyt isch de fasch halbizwei worde. Aber auch zu später Stunde und mit viel Glück uf de Bühni UND im Publikum (… schön hender mitgsunge) hämmer de spote Uftritt souverän gmeischteret.

… und jetzt zum Früehlig: mol wieder es typische Wiler-Wätter – Sunne puur!!! Chli gässele, chli sii, eifach gnüsse und bevor de Car losfahrt de Coop no go ruume. Am spötere Nomittag simmer de wiiter uf Brombach (spötischtens jetzt hend all gmerkt, dass es Euro bruucht). Schicht im Schacht, es letschte Fäscht vo de Oktave Chratzer i de alte Gefilde. Mit em letschte Uftritt a dem Obed isch leider wieder e Aalass meh i Gschicht iigange. Danke liebi Oktave Chratzer dass mer hend dörfe debii sii!